كان ياما كان
يا سعد يا إكرام
وما يحلا الكلام
إلا بذكر النبى عليه افضل الصلاة والسلام
كان فى اربع اولاد بيحبو بعض اوى فى يوم حصل خلاف صغنون اوى ما بينهم
بسبب انهم كانو رايحين الجامع عشان يصلو بس صاحبهم الرابع قالهم روحو انتو
قامو قالولو لا لازم تيجى معانا عشان ربنا يحبك
قالهم لا انا مش فاضى وعاوز العب عشان مش لعبت كتير
قالوله ان الصلاة اهم من اللعب وانك ممكن تلعب فى اى وقت اما الصلاة لازم تصليها فى وقتها
عشان ربنا يحبك ويحققلك كل اللى انت عاوزه ونفسك فيه
راح قالهم لا انا لما بلعب بكون سعيد وهو دا الى انا عاوزه مش عاوز حاجه تانى
راحو قالوله بس لمه تصلى هتكون اسعد انسان عشان ربنا اللى خلقك
ساعتها هيعملك كل حاجة انت عاوزها عشان شافك بتصلى وكمان كل الناس هتحبك اكتر
عشان بتصلى وماما وبابا ساعتها هيكونو فرحانين بيك ويجبولك الحاجة اللى بتحبها
راح قايلهم طيب ماشى انا جى معاكو وبعد ما خلصو صلاه رجع البيت قال لبابا وماما انو راح صله مع صحابو
راحو قالولو برافو عليك يا حبيبى وعشان انت صليت وعملت حاجه تفرح ربنا بيك هنجبلك لعب وهنخليك تلعب النهارده زى ما انت عاوز
راح قايلهم انا من النهارده مش هسيب ولا اى صله عشان ربنا يحبنى وعشان انتو تفرحو كمان وعشان العب براحتى
وتوته توته فرغت الحدوتة حلوه ولا ملتوته
الأربعاء يوليو 30, 2014 11:41 pm